Edhe pse Banka e Shqipërisë raporton rënie të kredisë me probleme, sërish dominancën e tyre vazhdojnë ta mbajnë bizneset e mëdha. Në raportin e stabilitetit financiar për pjesën e parë të vitit, rezulton se ndërmarrjet e mëdha kanë dy herë më shumë probleme në pagesën e kësteve të kredisë sesa individët.<br /><br />Për kreditë e subjekteve që nuk janë biznese, kredia me probleme është 9.4% e totalit të dhënë, ndërsa për bizneset huatë e këqija janë 19.2%.<br /><br />Por pavarësisht kësaj bankat vazhdojnë të orientojnë kredidhënien ndaj korporatave. 60% e totalit të financimeve të bankave e kanë shoqëritë e mëdha, ndërsa ndërmarrjet e vogla dhe të mesme, zënë një peshë prej 24.<br /><br />Ekonomia shqiptare dominohet kryesisht nga kategoritë e biznesit të vogël e të mesëm, por mungesa e kreditimit për to vijon të jetë problem edhe gjatë këtij viti.<br /><br />Biznesi është orientuar drejt marrjes së overdrafteve, para të cilat sigurohen më shpejt, por kanë interes më të lartë. Në një anketë të realizuar nga Banka e Shqipërisë 40% e ndërmarrjeve janë përgjigjur se kanë një hua ose një borxh për të paguar, ndërsa kanë pranuar edhe marrjen e parave nga burime informale.<br /><br />8% e të anketuarve janë përgjigjur se kanë marrë financime nga persona fizikë dhe subjekte që nuk operojnë në fushën e bankave.<br /><br />Tv Klan
